閃避球-THEI X 乘翔複球式閃避球邀請賽2019

2019.08.17
感謝THEI同乘翔舉辦閃避球既賽事, 令一眾球員又多一個比賽去玩, 辛苦哂各單位既付出, 令凌峯閃避球有機會能夠參與其中。

講返當日比賽, 合共五支球隊參加分別係凌峯體藝、乘翔體育會、青少年服務處、蔡衍濤小學同埋THEI。 五隊以單循環形式進行, 之後排名第1,2 可爭冠軍; 第3,4名爭季軍。經過單循環比賽後, 首名出線係青少年服務處、次名凌峯體藝、第3名乘翔體育會第4名 THEI。

比賽今次大會有午膳既時間, 係午飯時間幾隊既球員等外賣到既時間, 進行左一場足球友誼賽, 大家無分彼此, 好開心咁踢左成45分鐘左右。其實閃避球就應該係咁玩, 大家球埸上為對手, 落場後可以係朋友。這個畫面好美, 希望未來閃避球界大家既氣氛都可以慢慢改變, 令閃避球更好玩, 更多人中意黎玩。

下午既最頭戲當然是冠軍戰同季軍戰既比賽啦, 季軍戰由乘翔體育會對THEI, 最後 乘翔體育會勝出比賽, 奪得季軍。冠軍戰既戲碼由凌峯體藝對青少年服務處, 比賽一開始凌峯體藝佔了少少先機, 領先3局以上。但青少年服務處不屈精神打出超水準表現追成最後10:10 局面, 需要打加時一局過既比賽。最後一局, 凌峯體藝憑著幾個接球下令對手出局情況下, 奪得冠軍既寶座, 遇上強敵冠軍得來不易。最後由凌峯體藝奪得THEI X 乘翔複球式閃避球邀請賽2019既冠軍, 亞軍由青少年服務處奪得, 季軍由乘翔體育會奪得。

THEI X 乘翔複球式閃避球邀請賽2019冠軍-凌峯體藝
THEI X 乘翔複球式閃避球邀請賽2019亞軍-青少年服務處
THEI X 乘翔複球式閃避球邀請賽2019季軍- 乘翔體育會
THEI X 乘翔複球式閃避球邀請賽2019 -大合照

Author: 凌峯體藝

凌峯體藝成立於2015年, 致力在閃避球/躲避盤/旱地冰球界培育人材以及體壇新星, 並且欲意將不同新興運動對大眾推廣, 吸引更多人參與!!!

發表迴響

這個網站採用 Akismet 服務減少垃圾留言。進一步瞭解 Akismet 如何處理網站訪客的留言資料